Google пред неколку дена ги претстави своите флегшип смартфони Pixel 8 и Pixel 8 Pro, но сега се подготвува за пристигнувањето на третиот член од семејството.
Станува збор за моделот Pixel 8a кој на пазарот ќе се појави за неколку месеци, а чиј изглед е откриен благодарение на нови рендери. Овој смартфон ќе претставува поприфатлива алтернатива од средната класа.
Дизајнерскиот јазик е многу сличен на оној што ги краси Pixel 8 и Pixel 8 Pro, вклучувајќи заоблени агли. „Визирот“ на камерата се наоѓа на задната страна, а екранот има поистакнати рабови во однос на гореспоменатите телефони, што открива дека 8a сепак е подостапен уред. Неговите димензии се 152,1 x 72,6 x 8,9 мм, што значи дека е речиси иста големина како и неговиот претходник Pixel 7a, чии димензии се 152 x 72,9 x 9 мм.
Се верува дека новиот модел ќе има екран со големина од околу 6,1 инчи, а во неговиот централен дел ќе има отвор за селфи камерата. Одзади ќе бидат сместени две задни камери.
Се очекува Pixel 8a да користи верзија на Tensоr G3 процесорот поврзан со 8GB RAM, како и оперативен систем Android 14.