Иако речиси секој модерен паметен часовник доаѓа со вграден микрофон и звучник, Google дури сега одлучи да им дозволи на корисниците да испраќаат гласовни пораки во апликацијата Messages за Wear OS
Google ја ажурираше својата апликација Messages на паметните часовници со Wear OS, за да им овозможи на корисниците да снимаат и слушаат гласовни пораки. Ова е функционалнос која корисниците ја посакуваат долго време, бидејќи речиси секој модерен паметен часовник има вграден микрофон и звучник.
Како што известува 9to5Google, испраќањето гласовни пораки во Google Messages за Wear OS функционира исто како и во мобилната апликација. Со клик на добиената порака ќе се отворат три икони од кои едната ќе биде онаа со микрофон. Со кликнување на неа автоматски ќе започне да се снима гласовна порака од максимум 59 секунди.
Подолу се прикажани слики од екранот на паметниот часовник што ја прикажува функцијата во акција.
За потсетување, Google Messages не е првата апликација за Wear OS која им дозволува на корисниците да испраќаат гласовни пораки. Оваа функција прва ја доби верзијата на WhatsApp за паметни часовници.