Google тивко воведе нова функција на својата популарна апликација за пораки, Google Messages, овозможувајќи им на корисниците да искусат ново ниво на квалитет на фотографиите
Google Messages за Android добива поддршка за Ultra HDR форматот на слика, кој им овозможува на корисниците да испраќаат и примаат исклучително остри и јасни фотографии преку RCS (Rich Communication Services) пораки во апликацијата.
Оваа функција е моментно достапна на уредите со Android 14 и е специјално оптимизирана за најновите паметни телефони на Google, Pixel 8 и Pixel 8 Pro.
Инаку, UltraHDR фотографиите обезбедуваат приказ со повеќе детали, а со тоа го подобруваат целокупното корисничко искуство за комуникација преку слики. Иако таквите фотографии најдобро се прикажуваат на дисплеите кои поддржуваат HDR, тие би требало да изгледаат подобро дури и на оние кои не поддржуваат таков екран, пишува TheSPANDroid.
Овој потег на Google дополнително ја потврдува неговата посветеност на иновациите во комуникациските технологии, особено во контекст на RCS, кој е дизајниран како помодерна и побогата алтернатива на традиционалните SMS пораки.
За потсетување, Google го претстави Ultra HDR форматот уште во мај со бета верзијата на Android 14. Имено, се работи за формат кој донесува поддршка за 10-битни HDR фотографии кои се целосно компатибилни со стандардните фотографии во JPEG. Google Photos беше првиот што го поддржа овој формат.