OnePlus додаде нов модел во Nord серијата смартфони од средната класа. Станува збор за Nord N30 SE 5G, кој доаѓа со 6,72-инчен LCD екран со FHD+ резолуција и отвор за селфи камера од 8 MP.
Телефонот користи MediaTek Dimensity 6020 чипсет во комбинација со 4 GB RAM и 128 GB простор за складирање датотеки. Батеријата има капацитет од 5000 mAh со поддршка за брзо полнење до 33 вати.
Главната камера на Nord N30 SE 5G вклучува сензор од 50 MP со отвор на бленда од f/1,8 и 2 MP за бока ефекти. Другите спецификации вклучуваат Bluetooth 5.3, NFC, стерео звучници и USB Type-C порт. Во однос на софтверот, тој е базиран на Android 13 со Oxygen OS 13.1.1.
Засега цената на уредот се уште е нејасна, но ќе биде достапен во две бои, Cyan Sparkle и Black Satin.
