Фотографија од претстојниот Galaxy Z Fold6 открива потенцијални промени во однос на актуелниот Galaxy Z Fold5
Беше само прашање на време кога ќе се појави првата наводно вистинска фотографија од еден од следните преклопни смартфони на Samsung. Во овој случај се работи за Galaxy Z Fold6, а фотографијата открива некои потенцијални промени во однос на актуелниот Galaxy Z Fold5.
Станува збор за тоа дека надворешниот екран е поширок, што е долгоочекувана промена. Фотографијата доаѓа од дојавувачот @UniverseIce и доколку се покаже дека е вистинска ќе овозможи подобро корисничко искуство за корисниците, кога го користат уредот затворен, како класичен смартфон. Ова исто така ќе го реши проблемот со односот на страниците во одредени апликации и игри.
Galaxy Z Fold5 vs Galaxy Z Fold6
Fold6 screen width =Fold5 screen width+right bezel width pic.twitter.com/cbIjMNjikV— ICE UNIVERSE (@UniverseIce) May 30, 2024
Очекувањата се дека Galaxy Z Fold6 ќе понуди и главен екран со помалку забележлив набор, што е меѓу главните поплаки на корисниците. Од друга страна, камерите ќе бидат речиси идентични со оние на сегашниот модел.
Galaxy Z Fold6 треба да користи Snapdragon 8 Gen 3 чипсет, батерија со малку поголем капацитет, IPX8 сертификат, моќност на полнење до 25 вати и Android 14 со One UI 6.1.1. Уредот се очекува да има и титаниумска рамка и Gorilla Glass Armor заштита.