Компанијата OnePlus потврди дека двата нови телефони, OnePlus 10R и OnePlus Ace, ќе бидат претставени во април. Првиот од овие два смартфона – Ace, ќе биде објавен во Кина на 2 април, додека 10R ќе биде претставен пред индиската публика на 28 април. Покрај тоа, на социјалната мрежа Твитер се појавија и првите фотографии од двата уреда.
Дополнително, се очекува да се појави уште еден телефон за време на настанот кој ќе се одржи на 28 април, но засега нема повеќе информации за кој уред станува збор и што би можел да им донесе на корисниците.
OnePlus 10R и OnePlus Ace имаат идентични дизајни, барем според достапните фотографии, а треба да имаат и слични спецификации. Згора на тоа, речиси е потврдено дека станува збор за два исти уреди, но под различни имиња и за различни пазари. Најпрвин, OnePlus Ace ќе биде претставен на кинескиот пазар, а потоа OnePlus 10R ќе пристигне во Индија.
Од фотографиите може да се види големиот модул за камерата во горниот лев агол на уредот. Ќе има еден главен сензор на врвот, како и два помошни под него. Главниот сензор би можел да има резолуција од 50MP, додека помошните сензори би биле со резолуција од 8MP и 2MP.
OnePlus Ace AKA 10R.#OnePlus #OnePlus10R #Oppo pic.twitter.com/WCRBAMrYam
— Abhishek Yadav (@yabhishekhd) April 14, 2022
OnePlus претходно најави дека смартфоните ќе користат MediaTek 8100 чипсет, а ќе има и поддршка за брзо полнење од 150W. Конечно, се очекува екран од 6,7 инчи со стапка на освежување од 120 Hz
Засега не е познато колку би можел да изнесува капацитетот на батеријата. За други, детални и официјални информации ќе треба да почекаме на официјалниот настан.