Xiaomi вчера на медиумски настан во Берлин официјално ја претстави Xiaomi 14T серијата смартфони, а од компанијата објавија и дека преклопниот Mix Flip ќе пристигне на светските пазари. Познато е и која ќе биде неговата цена.
Да потсетиме дека Xiaomi го претстави својот Mix Flip во Кина уште во текот на летото, а уредот воодушеви со својот многу голем екстерене дисплеј од 4,01 инчи со брзина на освежување од 120 Hz. Од внатрешната страна, има подеднакво голем и светол OLED панел со големина од 6,86 инчи и со отвор за селфи камерата.
Преклопниот смартфон го покренува моќен Snapdragon 8 Gen3 чип со голема комора за ладење, до 16 GB RAM и до 1 TB простор за складирање податоци.
Двете големи очи нурнати во неговиот cover екран кријат две камери од 50 MP – примарната со OIS и објектив со отвор на бленда F/1.7, како и телефото камера за 2x зум и портрети. Тие се потпишани од Leica.
Xiaomi Mix Flip глатко ги засенува сите други преклопни телефони со капацитет на батерија од дури 4700 mAh и жично полнење од 67 W.
На крајот на краиштата, уредот изгледа многу убаво и елегантно, а единственото нешто што му недостига е заштитата од навлегување на вода, која неговите најголеми конкуренти веќе ја имаат.
Во секој случај, Xiaomi ќе го понуди во Европа (сеуште немаме потврда дека ќе биде достапен и овде) во црна и виолетова боја по цена од 1.299 евра за моделот со 12 GB RAM и 512 GB меморија за податоци.