Први импресии од Galaxy S24 FE: Еден од подобрите FE модели на Samsung

Samsung сè уште не се откажа од концептот наменет за оние кои ја сакаат флегшип Galaxy S серијата, а не сакаат да платат премногу, поради што направи нова поволна варијанта на смартфон. Galaxy S24 FE веќе пристигна кај нас и веднаш го испробавме, споредувајќи го со минатогодишниот модел, но и со премиум Galaxy S24 уредите.

Јужнокорејската компанија направи неколку помали измени со Galaxy S24 FE, кои во комбинација претставуваат значително подобрување. Во споредба со својот претходник, рамката е помалку закривена, па страните се порамни. Задната страна е веројатно таа што доживеа најмалку визуелни промени. Во принцип, изгледа како S24 или S24 Plus, па реално не можеме да зборуваме за некој револуционерен пресврт во дизајнот. Плус за Fаn верзијата е одличниот избор на бои, кои изгледаат забавно и современо.

Дизајн и екран

Димензиите на S24 FE остануваат слични на оние на кои сме навикнати од претходните генерации, 6.38 x 3.04 x 0.31 инчи. Слично на целата S24 серија, и овој модел е малку поширок во споредба со другите смартфони на пазарот.

Тоа е видливо и кај екранот. Тој е значително поголем, со дијагонала од 6.7 инчи во споредба со 6.4 инчи кај минатогодишниот модел. Дисплејот е навистина одличен. На она што сме навикнати од Samsung е присутно и кај овој телефон. Максималната осветленост е 1.900 нита, што е зголемување во споредба со 1.450 нита кај S23 FE. Стаклото што го штити екранот е исто така е подобрено од Gorilla Glass 5 на Gorilla Glass Victus Plus, за кое се претпоставува дека е поотпорно на гребнатини и падови. Исто така, телефонот има очекувана IP68 оценка за отпорност на прашина и вода.

Систем на камери

Samsung S24 FE има иста главна камера како и флагшип Galaxy S24 серијата. Сè работи на ProVisual платформата, исто како и S24, што значи дека се подобрува квалитетот на сликата при зумирање со 8MP телефото камерата. Покрај неа и главната камера од 50 MP, тука е и12 MP ултраширокаголната камера.

Главниот објектив е многу добар. Динамичкиот опсег на фотографиите е висок, односно камерата фаќа голем број информации во светлите и темните делови на фотографијата. Боите изгледаат пореалистично во споредба со она на што сме навикнати да го видиме од Samsung и се опфатени сите детали.

Со овој уред, секоја снимка ќе биде совршена дури и ноќе, благодарение на функцијата Nightography со AI Image Processing Signal Processing (ISP) за подобрување на перформансите при слаба осветленост. Исто така, зумирањето со вештачка интелигенција обезбедува подобрен квалитет на сликата помеѓу растојанија на дигитален зум, додека функцијата за препознавање сцени и подобрување на боите во супер висок динамички опсег (HDR), обезбедува живописни и реални фотографии и видеа.

Батерија и процесор

Телефонот го покренува новиот Samsung Exynos 2400e чипсет, кој на хартија има 2 пати побрза процесорска моќ и е помоќен за играње видеоигри. Исто така, процесорот влијае на малку подолго траење на батеријата. Секако, батеријата е и со поголем капацитет од 4.700 mAh, а за половина час на полначот стигнува до 50 проценти.

Кога станува збор за цената, и тука е блиску до Galaxy S24 Plus моделот, иако FE е малку поевтин. S24 FE чини 88.000 динари, што е значително поповолно од премиум моделите, иако може да се пофали со многу од нивните карактеристики. Ако барате компромисно решение, S24 FE би можел да биде добра опција. Севкупно гледано, ова е солиден смартфони. Тешко е да се најде некоја конкретна забелешка, бидејќи е направен како одлична комбинација на сите важни елементи, од дисплејот, преку камерата до сигурниот процесор. Посебен додаток се функциите на Galaxy AI, кои се идентични на сè што нуди и самата Galaxy S24 серија.

Galaxy S24 FE ги донесува напредните AI функции како што се Live Translate, Circle to Search пребарувањето и алатките за автоматско генерирање текст, што ја подобруваат продуктивноста и креативноста на корисниците. Со Samsung Knox заштитата и интеграцијата со целокупниот Galaxy екосистем, овој модел гарантира сигурно и поврзано искуство, додека еколошки одржливите материјали ја потврдуваат посветеноста на Samsung за заштита на планетата.