Претходно оваа година, Google воведе доста корисна функција за пристапност во Chrome за Android. Со неа, корисниците можат да прeслушуваат одредена веб-страница. Таа нуди интерфејс со контроли за репродукција и различни опции за глас. Сепак, недостасуваше поддршка за репродукција во позадина.
Сега, Google го отстранува овој недостаток со последната актуализација за апликацијата на прелистувачот. Поддршката за репродукција во позадина за функцијата “Listen to this page” (Слушај ја оваа страница) првично беше забележана кратко по нејзиното лансирање меѓу корисниците во јуни оваа година, но беше скриена зад експериментален флаг.
Сега е достапна за сите со Chrome 130. Откако ќе ја добиете актуализацијата, Chrome ќе продолжи да репродуцира и ако го исклучите екранот на телефонот или преминете на друга апликација. Плејерот во известувањата ќе нуди основни контроли и ќе покажува насловот на статиската и веб-страницата, но ќе мора да го користите основниот интерфејс за да ја промените брзината на репродукција или гласот.
Можете да ја најдете опцијата Listen to this page во менито со три точки во Chrome.