TapNow е интересна апликација која овозможува многу едноставно споделување фотографии или видеа со пријателите или семејството, кои ќе се прикажуваат директно на почетните екрани или преку самата апликација.
Денешниот дигитален свет овозможува да бидеме поврзани повеќе од кога било порано, без разлика каде се наоѓаме и колку сме оддалечени, а TapNow е уште една апликација која го прави споделувањето фотографии и видеа со пријателите и семејството интересно и многу едноставно.
Дополнително, апликацијата нуди дневни фото-предизвици (достапен е и историски преглед на предизвиците), а особено е интересно што поттикнува автентичност и спонтаност, без филтри и дополнителна обработка на снимениот материјал. За користење на апликацијата, потребно е да се отвори корисничка сметка, при што се избира сопствен прекар. Потоа, останува само да се дадат соодветни дозволи и да се сподели генерираниот QR-код со другите за поврзување.
Откако ќе се заврши овој процес, веднаш може да се започне со снимање и споделување содржини. Интересно е што содржините може да се споделуваат јавно, овозможувајќи им на сите корисници на TapNow да ги прегледуваат. Освен тоа, на секоја примена содржина може да се реагира во реално време, а апликацијата нуди и други детали и функционалности.
За оние кои бараат едноставен, но малку поинаков начин за споделување слики и видеа, дефинитивно би требало да ја испробаат TapNow. Основната верзија на апликацијата е бесплатна, но постои и Premium верзија која носи дополнителни функции со претплата од 23 евра годишно.
Клучниот концепт на апликацијата е што содржините ќе се појавуваат на почетниот екран, каде што ќе се прикажуваат фотографиите и видеата што ги снимаат пријателите или членовите на семејството кои се претходно додадени во сопствените кругови. Секој кој е дел од кругот може едноставно да испраќа слики и видеа во било кое време.