Во април, кога YouTube наполни 20 години, Google најави низа функции, меѓу кои и можноста да создавате свој сопствен комбиниран изглед, репродукција со 4x брзина и други. Google исто така вети дека YouTube за телевизори наскоро ќе добие надградба на изгледот со нов кориснички интерфејс за полесна навигација и поедноставен пристап до коментари, информации за каналите и друго.
Сега новиот кориснички интерфејс на YouTube почнува да стигнува до уредите со Android TV. Дизајнот е речиси ист како оној што Google го покажа при најавата, и секако е значително поразличен од досегашниот.
Копчето „Пауза/Продолжи“ е поставено во централниот дел, а останатите икони се сместени во стилизирани копчиња, за да му дадат на интерфејсот препознатлив „пливачки“ изглед, сличен на оној во веб-верзијата на YouTube. Копчето „Претплати се“ се менува во икона со ѕвонче за каналите на кои веќе сте претплатени.
Google тврди дека ажурирањето носи промени во репродукцијата и квалитетот. Новиот интерфејс исто така овозможува полесен пристап до коментари, информации за каналите и претплати.
