Во време кога радиото сè почесто се потценува како медиум, Урбан ФМ радио покажува дека токму етерот може да биде најживата сцена на современата македонска музика. Со својот препознатлив слоган „Зрачиме македонски“, радиото ја продолжува својата мисија – да ја внесе македонската музика во градскиот пулс на Скопје и да ја направи составен дел од секојдневниот урбан ритам.
Оваа есен, Урбан ФМ ја зацврсти својата позиција како поддржувач на домашните изведувачи преку активното учество во јубилејното 40. издание на фестивалот „Макфест“. Радиото беше генерален покровител на настанот, а програмата во живо ги пренесуваше фестивалските вечери, овозможувајќи им на слушателите да бидат дел од најголемиот музички спектакл на македонската забавна сцена. Со оваа иницијатива, Урбан ФМ (90.8 Mhz) уште еднаш потврди дека е медиум кој не само што ја пренесува музиката – туку ја создава нејзината културна вредност и ѝ дава простор да допре до што повеќе луѓе.
Поддршката на младите уметници и современиот музички израз е централна точка во уредувачката политика на радиото. Во секојдневната програма, Урбан ФМ активно ги промовира новите имиња на македонската сцена, без притоа да ги запоставува веќе афирмираните изведувачи. Радиото го одржува балансот меѓу она што е актуелно, модерно и автентично македонско – создавајќи со тоа мост меѓу генерациите на слушатели.
Еден од столбовите на оваа стратегија е токму емисијата „Урбан Бла Бла“, која секојдневно во живо се емитува со Марко Новески како водител, и пет различни ко-водителки – Теа Трајковска, Дона Неделковска, Ана Јаневска, Лара Иванова и Ивона Трајановска. Секој ден емисијата носи нова енергија, разговори со гости, теми од современиот живот и, пред сè, македонска музика која е во чекор со времето. Преку директните преноси на YouTube каналот на Урбан ФМ и активната комуникација на социјалните мрежи, „Урбан Бла Бла“ стана пример за тоа како традиционалниот медиум може да се спои со дигиталната култура и да создаде ново, хибридно радио искуство.
Урбан ФМ се издвојува по својата препознатлива музичка селекција – внимателно избрани домашни хитови, нови синглови и ремиксови кои го дефинираат современиот македонски звук. Радиото ја негува идејата дека поддршката на локалната сцена не е само музички избор, туку културна одговорност. Токму затоа, дел од спонзорските формати на Урбан ФМ, носат и џинглови со порака „Урбан ФМ секогаш пријател на македонската музика“, со што секој бренд што соработува со радиото станува дел од оваа автентична приказна.
За тимот на Урбан ФМ, улогата на радиото одамна ја надминува класичната функција на информативен медиум. Нивната цел е да создадат платформа што поврзува музичари, продуценти, слушатели и медиуми во заедничка мрежа што ја промовира македонската креативност. Од емисии со живи разговори и телефонски вклучувања, до видео преноси и ексклузивни интервјуа, радиото ја пренесува урбаната култура на начин што е динамичен, непосреден и секогаш искрен.
Со вклучувањето во „Макфест“ и серијата нови проекти што следат, Урбан ФМ испраќа јасна порака – македонската музика има своја публика, свој глас и своја фреквенција. Радиото продолжува да биде симбол на младешка енергија, современа продукција и посветеност на локалниот талент.
Како што велат од тимот на Урбан ФМ, „Нашата цел не е само да пуштаме македонската музика – туку да ја направиме дел од секојдневниот урбан пејзаж. Да се слуша на улица, во автомобил, во канцеларија – да стане дел од градот, од луѓето, од времето во кое живееме.“
Урбан ФМ останува доследен на својот слоган – „Зрачиме македонски“, но и на својата визија да ја внесе македонската музика во секој ритам, секој разговор и секој ден од животот во Скопје.
