Бидејќи ултра-тенкиот iPhone Air не ги постигна резултатите што првично се очекуваа, најмалку три кинески конкурентски производители се откажале од производство на својот ултра-тенок паметен телефон.
iPhone Air не се продава особено добро, што ги обесхрабрило најмалку три конкурентски кинески производители да ги претстават своите верзии на ултра тенок мобилен. За кои производители станува збор засега може само да се претпоставува, но азискиот DigiTimes наведува дека сите имале сериозни планови да направат свој конкурент на iPhone Air.
Според истиот извештај, Foxconn го намалил бројот на производствени линии за iPhone Air, додека Luxshare во целост ја запрел производството на iPhone. Неодамна пишувавме и дека еден од главните дизајнери на iPhone Air го напуштил Apple, а се зборуваше и дека iPhone Air 2 наводно е одложен.
Но, треба да се има предвид дека не е само iPhone Air на удар. Се чини дека пазарот генерално не сака ултра тенки мобилни телефони со слаба батерија, па затоа и Samsung се соочува со слаби продажни резултати на својот Galaxy S25 Edge, чиј наследник е целосно откажан.
