Интеграцијата на Google Photos и Tizen ги донесува вашите фотографии и Google AI алатките за обработка на фотографии
Google Photos следната година за првпат ќе биде достапен на телевизори, а почетокот на таа интеграција стартува токму со Samsung TV моделите за 2026 година. Samsung најави дека фотографиите на корисниците во „кинематографски формат“ ќе пристигнуваат директно на телевизорот, со амбиција Google Photos да стане длабоко интегриран во Tizen TV околината.
Иако Samsung не прецизираше дали ќе постои посебна апликација, потврди дека функцијата Memories ќе биде првата фаза од воведувањето и ќе пристигне во март 2026 година. Оваа функција ќе биде ексклузивна за Samsung телевизорите во период од шест месеци.
Google Photos конечно доаѓа на големите екрани
Втората фаза од интеграцијата е планирана за втората половина на 2026 година и вклучува:
• Пребарување во Google Photos
• AI генерирање и обработка на слики
• Create with AI тематски шаблони базирани на моделот Nano Banana
• Алатки „Remix“ и „Photo to Video“
• Personalized Results – прикажување слајдшоу според теми како „море“, „планинарење“ или „Париз“
Овој пристап овозможува телевизорот да стане персонализирана галерија на содржини, со дополнување од моќни креативни алатки.
Едноставно поврзување преку Google сметка
Samsung наведува дека интеграцијата ќе се активира со едноставно најавување со Google сметка на телевизорот, по што фотографиите автоматски ќе се прикажуваат од Google Photos библиотеката на корисникот.
По истекот на шестмесечната ексклузивност, се очекува Google Photos да пристигне и на телевизорите на други производители, со што за првпат ќе се отвори целосно ново искуство за корисниците кои сакаат пристап до своите фотографии на голем екран.
