Xiaomi 17 и Xiaomi 17 Ultra пристигнуваат на европскиот пазар на 28 февруари, а нивните цени наводно ќе останат исти како и кај претходните модели.
Во изминатите недели, два одвоени извора наведоа дека Xiaomi 17 и Xiaomi 17 Ultra во Европа ќе ги имаат истите цени како нивните претходници, а сега тоа го потврдува и францускиот портал Dealabs.
Се наведува дека Xiaomi 17 ќе биде достапен во нијансите Black, Venture Green, Ice Blue и Alpine Pink, додека Xiaomi 17 Ultra ќе може да се купи во варијантите Black, White и Starlit Green.
Кога станува збор за цените, Xiaomi 17 со 12 GB RAM и 256 GB меморија ќе чини 999 евра, додека верзијата со 12 GB RAM и 512 GB меморија ќе се продава по цена од 1.099 евра.
Xiaomi 17 Ultra со 16 GB RAM и 512 GB меморија ќе има цена од 1.499 евра, додека најмоќната верзија со 16 GB RAM и 1 TB меморија ќе чини 1.699 евра.
Според истиот француски извор, двата смартфони ќе бидат претставени на 28 февруари за глобалните пазари, вклучително и Европа. Се очекува да бидат идентични со кинеските верзии, со исклучок на капацитетот на батеријата.
Европската верзија на Xiaomi 17 би требало да има батерија од 6.330 mAh, додека за Xiaomi 17 Ultra се очекува батерија од 6.000 mAh.
Инаку, во Кина Xiaomi 17 има батерија од 7.000 mAh, додека Xiaomi 17 Ultra располага со батерија од 6.800 mAh.
