Компаниите Google и Samsung изгледа ќе ги спојат нивните функции за споделување фајлови Nearby Share и Quick Share, што значи дека функцијата за Android ќе биде подобрена
Најновата верзија на апликацијата Google Play Services сугерира дека познатата функција за споделување фајлови на Android може да се нарече Quick Share, како и сличната опција на Samsung, со уникатни функции резервирани само за неговите уреди. Ова значи дека Google и Samsung можеби ги спојуваат двете функции, со што Android сервисот Nearby Share би добил унапредувања, што ќе бидат достапни за сите телефони со оперативен систем Android.
Постојат многу начини за споделување фајлови помеѓу смартфоните со Android, но најдобрата опција е онаа што е веќе достапна и на уредот што испраќа и на уредот што прима. Секој телефон со Android со претходно инсталирани апликации на Google има пристап до Nearby Share, услугата на Google за споделување фајлови од уред до уред, која работи и на Windows. Меѓутоа, ако имате Samsung телефон, Nearby Share не е единствената опција за споделување фајлови, бидејќи постои и Quick Share. Иако Quick Share е ексклузивен за уредите на Samsung, тој претходи на Nearby Share и има некои уникатни функции кои не се дел од понудата на Google, што го прави популарен меѓу корисниците на уредите на Samsung.
Програмерката и позната инсајдерска на Pixel, Камила Војчевска ја доби новата верзија 23.50.13 на апликацијата Google Play Services. Во неа, таа откри бројни навестувања дека Google може да го преименува Nearby Share во Quick Share, што ги сподели на нејзиниот профил на социјалната мрежа X.
💦It seems like Google's renaming Nearby Share to… Quick Share, which is also the name for the Samsung's file sharing solution? uhhhhh
Today I received a GMS update to the version 23.50.13 and, soon after that, the notification from the screenshot above. The update as well as… pic.twitter.com/RkobYEMIw4
— kamila 🌸🏳️⚧️ (@Za_Raczke) December 22, 2023
На пример, по преземањето на ажурирањето, таа добила известување дека „Nearby Share сега е Quick Share“ и дека „да побара ново име и икона за споделување фајлови со уредите во близина“. Новото име Quick Share се гледа на табот Quick Settings, опција за откривање и на интерфејсот за споделување фајлови, како што се гледа на споделените фотографии.
При прегледот на апликацијата Play Services, Војчевска пронајде докази за процесот на миграција за новото Quick Share искуство. Ова, заедно со новото име кое одговара на постоечката услуга за споделување фајлови на Samsung, сугерира дека промената вклучува повеќе од едноставна промена на името.
Во моментов се чини дека Google и Samsung ги прават овие две услуги да бидат барем меѓусебно компатибилни, а можно е спојувањето на опцијата на Google значително да се подобри со додавање на единственате функционалност на Samsung. Тоа би значело дека сите корисници на Android би имале подобро корисничко искуство, а оние со уреди на Samsung повеќе нема да треба да избираат помеѓу две претходно инсталирани апликации на нивните уреди. Оние со Samsung телефони имаат две апликации со исто име, што може дополнително да предизвика конфузија.
